Philip Shuaibu wey be deputy governor for Edo state don land for d headquarters of PDP to ask for certificate of return, because according to him, e say na him win d last primary governorship election wey PDP hold on February 22 2024.
According to d governorship primary tori wey happen for Samuel Ogbemudia stadium for Benin, d chief returning officer come declare say nah Asue Ighodalo nai be d winner of d primary election after e win with 577 votes, base on dat win Asue Ighodalo come go collect e certificate of return yesterday February 27th 2024.
But on dat same February 22nd Philip Shuaibu come say na him win d parallel election with d authentic delegates with 301 votes, so base on dat he follow d guideline come collect e own certificate today. Philip come tori say him hear say somebody don come collect d certificate yesterday and las las court go decide.
Discover more from WE DI PEOPLE
Subscribe to get the latest posts sent to your email.
