D protest wey dey happun sake of d hunger wey dey rise for Nigeria, don enta another level on Friday as inmates kpokpo for d Nigerian Correctional Centre wey people know as prison for Jos, wey be di capital of plateau state don join d protest.
D inmates start to protest as soon as dem hear sey dem wan ration d amount of food wey dem dey give dem.
As d protest dey happun, d inmates no gree follow d orders wey d officers give dem and dem no come gree chop morning food. Dem just gather for d middle of d prison yard dey shout anyhow, but d officers come spray tear gas to chase dem go back to dia cells.
D Comptroller of Jos Correctional Center, Raphael Ibinuhi nai confam d protest wey d inmates do to Daily trust.
Discover more from WE DI PEOPLE
Subscribe to get the latest posts sent to your email.
