Protesters wey dey under Concerned Citizens of Edo State on Tuesday block Jattu axis for Benin-Auchi Highway sake of say d road dey very bad.
D protesters wey come from different communities for Auchi com disturb business and movement of vehicles becus of d way d road take bad.
One protester wey im name na John, tori give journalists say dem dey protest to show say dem no dey happy with how d federal roads for d state be, especially d Okene-Auchi-Ekpoma-Benin expressway. E tok say dem dey vex becus d bad road dey make transportation hard and dangerous for drivers and passengers and dem dey beg federal government to come help dem fix d road so that life go better for dem.
D Chairman of Etsako West Council, Marvelous Muhizu Zibiri come try to tok to d protesters say im dey sad to see d lack of commitment from federal government to solve d matter wey dey cause plenty suffer and economic loss.
Zibiri come tok to d protesters make dem calm down and still obey d law, say make dem nor do anything wey go cause more wahala or damage. Zibiri d Chairman come still call on federal government, through d federal ministry of works and housing, make dem quick repair d federal roads for d state for d safety of d people.
Discover more from WE DI PEOPLE
Subscribe to get the latest posts sent to your email.
