Dis na office of di Citizen
Mr Ibu as we popularly know am, don die on saturday March 2nd 2024 inside one hospital for Lagos. Mr Ibu be dey battle some sickness before e come finally die. We go miss am for all d laff wey im put for people face during e time as nollywood actor. We ask God Almighty to grant im eternal rest and grant d family d patience to bear d loss.
Some people wey dey live for Federal Capital Territory don go raid and scatter warehouse wey belong to National Emergency Management Agency of Nigeria (NEMA). We hear say na d warehouse we dey for Karimo, Phase 3 area of FCT, Abuja dem go raid on sunday morning and d people come carry foodstuffs and oda things comot for there. Police people from Nigeria Police Force for Abuja don go d area to chase away d people wey dey loot and secure d building. According to d spokeperson for FCT police…
Governor Alex Otti of Abia state don tori say im don dey discuss with some Chinese company on how dem go take bring light rail construction project wey go pass d whole state of Abia. E tori dis mata on Thursday for politics today as im dey trow more yannings give Seun Okinbaloye of channels Tv regarding d whole mata for geometric power wey dem just commission. Him come continiu to tori Seun say na one of e promises be dat and even if say e no go easy e…
Remember say every election, ballot box and ballot paper go reach all d villages for we country even doe say development nor dey reach dere. Make we nor stop to dey ask everybody wey we vote for to give we d people ballot development d way dem dey carry ballot box and paper come. Na our right as we d people to ask for accountability from d people wey we vote for. God bless Nigeria.
Medical people say for good eyes make you eat carrot. And for good better shining skin make you eat or dey drink lemon water. For good kidney we d people continiu to drink plenty water For cough eat pineapple for stress eat banana Above all, take care of your mental health, nor too dey think, everything go dey alright. When dere is life dere is hope. if you fit pray, Pray.
If we wan fix Nigeria, all of us must commit to do d right tin. All of us must pledge to our country Nigeria to do d right thing. Nigeria need all of us dis time around.
One person don kpeme and five others dey fight for their lives for ogbomosho oyo state afta dem chop cassava flour wey tori say e be like say dem cook am with cassava flour wey dem fit say na yam flour and d cassava flour no come good. Tory say d mata happun for Wednesday night, Feb. 28, for Temidire Atoyebi area along Ajaawa Road for Ogbomoso. Dem say d family wey dey involve na one grandmama wey dem identify as Mrs. Victoria Paul Adewole, and she get four children,…
Lassa fever don kpai nine people for d past two months for Benue state. D state epidemiologist, Dr. Sam Ngishe, reveal dis one to journalists on Thursday, Feb. 29, im talk sey some of d people wey kpai dey live for inside d camp wey be for displaced people. Dr. Ngishe come tori say from deir report so far, d IDP camp get plenty rats, and if d rats wey dey transmit am dey for d IDP camps, e mean say dem go need to work well well so dat…
Vice President Kashim Shettima don tori say nah d pure heart wey president Tinubu get nai make God reward am to become Nigeria president. Shettima come tori dis one on friday, March 1 wen im host some we d people of d Nigerian Christian Pilgrim Commission (NCPC) wey come visit am for Presidential Villa, Abuja. ”Him come yan say d road wey carry im Tinubu reach presidency no be by chance, say apart from im pure heart Tinubu ready to sacrifice for d betterment of d nation. Oga VP come…
D protest wey dey happun sake of d hunger wey dey rise for Nigeria, don enta another level on Friday as inmates kpokpo for d Nigerian Correctional Centre wey people know as prison for Jos, wey be di capital of plateau state don join d protest. D inmates start to protest as soon as dem hear sey dem wan ration d amount of food wey dem dey give dem. As d protest dey happun, d inmates no gree follow d orders wey d officers give dem and dem no come…