E get why God di creator allow everybodi com dis world empty, and nobody go fit question God Almighty why Him do am like dat.
But dese days, common sense go don tell us why Him do am like dat especially with wetin dey happen now for our kontri.
Now, take one minute and imagine if to say God allow us carry everytin wey we as human being dey like enter dis world, and com also tok say, as we dey comot from dis world we go carry everytin wey we don acquire comot, and na base on wetin we acquire nai Him go take judge you.
After you imagine am finsih, you go fit answer di rest for yourself as per wetin human being for use each oda eyes take see if to say God tok say we go carry everytin we acquire comot from dis world.
So just to remind us say, na empty hand we take com, and na empty hand we go also carry comot.
As you dey go about your day, just dey try put yourself in check, and remember say na empty to empty.
Di only tin wey people go remember you for na how you take treat dem, wether you treat dem well or you treat dem very badly, dem go use am take remember you.
Have a great day.
Discover more from WE DI PEOPLE
Subscribe to get the latest posts sent to your email.
