One court for United Kingdom don hold one of our broda wey im name bi Olubunmi Abodunde, wey dey 48 years old, sake of say im kpai e wife becos say im dey suspect say e wife dey go do away match wey oyibo dey call extra marital affair.
Tori tok am say na year 2022 nai di man japa go UK with im wife and three pikins.
Dem further tori say di man and im wife dey always dey get argument about away match and plenti plenti bills for di house, and police don first investigation di man for domestic abuse before im com finally kpai im wife wey her name bi Taiwo Abodunde and she be 41 years.
Tori further tok say im beat im wife sotey im com use skateboard take arrange hole for Taiwo im wife head, say di skateboard sef com even scata, and upon say Taiwo com belike say she don already kpai, d man Olubunmi still kontiniu to dey give better blow to im wife as she dey ground.
Dem say dem don first ban di man from di house make im nor com near im wife before dis mata com finally happen wey im for just finally com kpai di woman.
Police say dem hold am and na May 9th 2024 nai dem go sentence Olubunmi Abodunde.
Discover more from WE DI PEOPLE
Subscribe to get the latest posts sent to your email.
