Dis na office of di Citizen
Presido of Trade Union Congress of Nigeria (TUC) Mr. Festus Osifo, don tori say, di new minimum wage wey every worker tanda and dey scratch ear dey wait for fit nor happen on May 1st. Festus Osifo tori dis mata for Abuja as im dey address newsmen, im com say, di reason why di new minimum wage nor go fit ready on May 1st na becos say di committee wey sidon on top di mata of di increase still dey do deir work and im believe say soon all of…
Presido of Nigeria, Bola Tinubu, don appoint Mr. Jim Ovia as di new chairman wey go head di board of di Nigerian Education Loan Fund (NELFUND). Jim Ovia na ogbonge better banker and better business man, and na Friday nai presido appoint am, as Ajuri Ngelale wey bi di special adviser to presido on media and publicity mata take announce am. Presido tori say, di education loan fund need person wey be professional and com get experience join, and im believe say Jim ovia go use e experience and professionalism…
Everyday wey you wake up and see di morning sun, na fresh start. Dis go mean say, you go try to forget di past and look forward to a fresh, beautiful and successful day. Di rison you nid to do dis na becos, just as everyday na fresh start, na so di day still carry e own baggage, and e nor go good to add yesterday baggage wey don already pass com add join today own wey you never even fit carry. So remember, as you dey start your day,…
President Bola Tinubu don approve make dem start di N100 billion consumer credit scheme for Nigerians becos of di economic hardship wey dey kontri. Na Ajuri Ngelale, wey bi di spokesperson to presido nai tori dis one on Wednesday. Im com tok say any Nigerians wey dey interested fit visit di portal of Nigerian consumer credit corporation before May 15, 2024. dis na di portal wey di spokesperson say make working Nigerians visit if dem dey interested. “Working Nigerians interested in receiving consumer credit can visit www.credicorp.ng to express interest.…
Multichoice don tori say dem go increase price for DStv and GOtv customers starting from May 1st 2024. See as Yabaleftonline take post am for their X handle
Dem say na small small water nai dey later com turn to ocean. Nor think say dat small small steps wey you dey take on a daily basis nor go amount to anything, becos before you know wetin dey happen, if you nor give up, dat small small steps wey you dey take since towards di exact tin wey you know say you want, go start to produce beta result. All you nid to do na to encourage yourself and nor giv up, no mata di discouragement wey dey around…
Presido of United States, Joe Biden, don sign one bill enter law to ban TikTok app comot from social media for inside U.S. As dem pass di bill for congress, dem com say dem order di company ByteDance wey be like say na China company, to sell di app within nine months, or kuku face di ban from U.S. TikTok official com later release statement say, dem go challenge di mata for court, as dem say dat kind leg wey US presido carry come dey unconstitutional.
Tori tok say fire don happen for mostly medical shops wey dey opposite university of Benin teaching hospital (UBTH). Dem say na one of di shop nai di fire for start before e com spread enter oda shops for dere, and as di fire start, both di federal fire service, di Edo state fire service, di Nigerian Army school of supply and transport Benin, di University of Benin fire service, and di University of Benin Teaching Hospital, UBTH, com try dier best to make sure say dem fit quench di…
One of our sister don share for her TikTok video wey bi nikkystar_55, say, she tire for United kingdom wey be UK, and decided to com back to naija after two years, dis one na wetin we go call rapa opposite of japa. Our sister say she don tire for di hussle hussle for Uk and finally decide to return to naija, she com still tori say nor be only she and her family, as plenti japaris dese days don dey com back to naija make dem com take advantage…
Mr. Peter Obi, wey bi di presidential candidates of Labour Party LP for di last general election wey happen for 2023, don com tori why im nor build new schools when im be govnor for Anambra State. Peter Obi tori dis one wen im hold one press conference on Wednesday for Abuja. Na dere Obi com reply Reno Omokri wey be social media influencer wey say im challenge anybody to show school wey di former govnor build for Anambra state di time wey im be govnor, Reno com say im…