Day: August 28, 2024

Nigerian Communications Commission (NCC) don direct all mobile network operators to make sure say dem complete di mandatory verification and linkage of SIM to NIN by Sept. 14, 2024. Na di director of public affairs Mr. Reuben Mouka, nai tori dis statement on Wednesday say dis directive na to make say everybody follow di full compliance of di SIM-NIN linkage policy. Him com tori further say di linkage of SIM-NIN dey very important sake of say e go helep di trust and security of our digital economy.

Plateau house of Assembly don reduce di tenure of elected local gworment officials from 3 to 2 years. Na di house committee chairman on information Mr. Matthew Kwarpo nai tori dis one on Wednesday as e dey address tori pipo for Jos, him com tok say dis reduction from three to two years dey in line with di Plateau state independent electoral commission law of 2024 wey dem amend. Mr. Kwarpo com also tori say dem also take dis decision becos of di local gworment autonomy wey supreme court just…

Di National Association of Nigerian Students (NANS) don tori say dem go start protest within 72 hours against di National Emergency Management Agency NEMA wey dem NANS dey accuse say dem use wayo wayo take divert food commodities wey belong to poor Nigerians. According to di statement wey NANS deputy senate presido Huzaifa Sabo Usman signed, dem tori say dem wan use di protest take draw Nigerians attention to how NEMA take use wayo divert almost 42,000 metric tons of food wey belong to di poor for kontry. NANS com…

Di federal Road Safety Corps FRSC for Ondo, don tori with confirmation say almost 16 pipo don kpai from di accident wey involve one motor bus and one truck, and three oda person com get serious injuriy join. Dem tori say na for Odigbo area for ondo state nai dis accident for happen so for night. Di Ondo Sector Commander for FRSC, Mr. Ibitoye Samuel, wey confirm dis mata on Wednesday, tok say na over speeding and yeye overtaking nai cause dis accident wey make di vehicles collide den com…

Thousands of pipo from Gobir wey dey Sokoto state don provoke enter forest, say dem wan go by diasef confrontation bandits wey dey terrorize dem since for dia community. D pipo say since security officials nor fit protect dem, dem don take matas into dia hand to enter bush by diasef, and dem dey sure say dem go must rescue about 150 victims wey dese bandits carry comot. But police don tori say dem nor get any informate about 150 pipo wey dem napkin comot from Gobir Emirates for Sokoto.…

Di chairman of Nigeria in Diaspora Commission NIDCOM, Abike Dabiri-Erewa, don release di foto of di woman wey dey rake up and down for social media say she go kpai some Nigerians wey dey stay Canada. Dem tori say di woman wey her name bi Amaka Patience Sunnberger and oda pipo dey get some discussion for TikTok space when she start to vibrate say oda tribes don too sidon for Igbo pipo head, and time don reach to kpai pipo from dis tribe, according to her vibration for TikTok, she…

Four 9jas don land for jail after dem forge more dan 2,000 marriage certificate take dey help oda japaris to stay UK illegally. According as di UK home office take tori am, dem say dese 4 9jas wey dia names na Abraham Alade Olarotimi Onifade, 41, Abayomi Aderinsoye Shodipo, 38, Nosimot Mojisola Gbadamosi, 31, and Adekunle Kabir, 54, dey among pipo wey dey commit crime of EU settlement scheme for oda Nigerians, and base on dis, dem com conviction dem for Woolwich Crown Court for London on Tuesday, August 27…