Enugu state gworment don rename one Obinagu road wey bi popular well well to Mike Ejeagha road for Abakpa Nike for Enugu state.
Remember say Gentleman Mike Ejeagha as dem dey call him nai bi di 93 years old wey sing gwo gwo gwo ngwor wey don go viral since after Brain Jotter wey bi content creator use am take do dance challenge.
According to as di Enugu state gworment take tori am as him dey commission di road, him say apart from say dem name di road after di living legend Mike Ejeagha, di gworment go still take over Mike Ejeagha expenses so that him go dey take dey chop bellefull.
Di gwornor com tori say dem dey grateful to God say dem get chance take honor Mike Ejeagha as e still dey alive and well.
Discover more from WE DI PEOPLE
Subscribe to get the latest posts sent to your email.
