Year: 2024

Federal government don tok say people wey benefit from d Nigerian education loan, go get two years after dem serve youth service finish to pay back. Na d executive secretary of NELFund, Dr. Akintunde Sawyer, nai tori dis for d interview with News Agency of Nigeria for Abuja. E tory say d reason for d two year grace after youth service na to give all beneficiaries borku time to get work, and den repay d loan after dem stabilize. Him com further tori say dem nor go still put pressure…

Tori tok am say one man wey get three pikin wey dem dey call Michael Chiozie for Rivers state don beat e wife and kpai am on top house rent mata. . Dem say d suspect kpai e wife wey her name be Ufuoma Chidozie on Tuesday for Mile 4 area for Port Harcourt. D police public relations officer of d state command, Grace Iringe-Koko com tok yesterday say dem don arrest d suspect wey be Michael Chidozie and don hold am on top d mata say e beat e…

Federal government on thursday for Abuja com launch one new satellite pay television wey dem tok say go give Nigerians better service for their money. Na George Akume wey be d secretary to d government of d federation wey e senior special assistant Prof. Babatunde Bernand represent, nai com open dis Nigerian satellite television wey happen for d shehu Yar’Adua center for Abuja. Congratulations Nigerians.

D minister of finance and coordinating minister of economy Wale Edun don tori senate committee on finance on wednesday say na d N22.7tn wey central bank of Nigeria tru d ways and means overdraft for government under Buhari from 2015-2023 nai land Nigeria for d heavy inflation wey d country dey face now. Oga minister com tok say dem just print money anyhow and spend am anyhow, and dem nor com make any effort to put d reckless spending side by side with productivity. but d senate com tok say…

D court of appeal for Abuja don tori say Julius Abure remain chairman of Labour party. Justice Harma Barka wey deliver dis judgement come tok say mata wey dem bring against d chairman and others wey dem accused, na mata wey don pass before d election wey we dey call pre election matas and na also internal affairs mata wey nor suppose to even come court of appeal. D court come also tok say d people nor fit prove d allegation wey dem accused dem for.

Federal government com tori on wednesday say dem go withdraw all d licence wey dem give discos since dem nor dey gree supply light wey dey cause black out round we country. Minister of power chief Adebayo Adelabu nai tori dis mata for im X handle say despite effort from FG, some of dis power distribution company dey purposely nor dey wan give people light. Oga minister com still tori say as from now on, im go hold all of dem wey no wan dey supply light responsible including to…

Law makers for Edo state come tok on wednesday say dem go impeach deputy governor Philip Shaibu sake of say e be like say e come go tori some kind mata wey concern d government for outside. But some people like d conference of registered political parties for Edo state com tok say dem no support d impeachment wey be like say dem start on March 5th and 21 members of d house don already sign am. Nor forget say nah last week nai Philip go d national secretariat of…