Today na di beginning of another month, dat means na new month, and di name of di month na September, wetin dat one mean be say, last month don pass and we nor go ever get August 2024 again, I mean like lai lai no more August 2024 except say we go now dey look forward to August 2025 wey we go see and celebrate by di grace of God.
Now, I know say nor be everythin wey we plan to see happen, like nor bi all our desire for August nai happen, some pple see all dia plans for August work out while some nor even see any one desire come to pass, but in all, all of dese wey I dey talk so nai make dis life so beautiful.
Weder your plans for August wey just pass so work out o, or e nor workout o, abeg listen, when life dey hope dey, I want make you just relax like dis baby wey u dey look so, u see as di guy boy nor get any single stress, na so our creator expect all of we, yes all of us to be like dis newborn guy boy and just relax, becos everytin is gonna be all right.
So, as you dey start your day, dey start your month, know say Baba God dey your side, and everytin is gonna be all right, and new tins go shele for all of we, yes, all of us dis September and we must testify.
I wish all of you di best of dis beautiful month September.
Discover more from WE DI PEOPLE
Subscribe to get the latest posts sent to your email.
