Author: wedipeople

Donald Trump wey dey contest for di third time for US presidential election don tori say him go stop flights wey dey carry immigrants and suspension resettlement program for refugees if him becom presido for 2024. Trump tori for e social media handle wey bi X say, if dem elect him again, di first thing wey him go do na to deportation all migrant straight, back to di kwontri where dem for dey come, according to am, dem dey invade America. Nor bi small thin for immigrants o.

Nigerian hunters and forest security service (NHFSS) com tori on Monday say dia operatives don free one victim wey dem bi kidnap. And according to dem, dem rescue dis victim along Nri-Enugwu-Ukwu road between Anaocha and Njikoka local gworment areas for Anambra state. Na ACG Mark Okonkwo wey bi di zonal commander of NHFSS for Southeast nai tori dis mata for Abuja. Him tori say immediately dem reciv call from som pipo wey dey pass say dem see say di kidnappers dey try to force person enter motor, nai dem…

Borno gworment don tori say dem nor get any elephant again for inside Sambisa Forest Na Mr. Peter Ayuba wey bi di director for forestry and wildlife for di ministry of environment nai tori dis mata say no more elephant for Sambisa forest. Him tori say di rison wey dem nor get elephant again for Sambisa forest na sake of say dem don kpai dem finish wey oyibo dey call poaching, and also becos of say some natural occurrence still affect dem.

INEC chairman Yakubu Mahmood don tori say dem ready well well full ground to conduct di Edo state election on September 21,2024. Di chairman tori confidently about dis readiness becos according to him dem don provide all di funds wey dem nid to di state office wey dem want take conduct di election. Di INEC chairman tori dis one for Benin wen him do readiness check on how di mata dey play, especially to test di materials for di election.

Federal high court for Abuja don fix September 19th,2024 as di day wey dem go hear one mata wey APC carry com say make dem disqualify Asue Ighodalo from di Edo state gwornorship race. But so far, INEC di electoral body don tori say make court troway di mata as Asue Ighodalo remain di ogbonge authentic candidate of PDP for di gwornorship election.

One video wey dey all over social media since, don show some of our kontri sisters for Libya wey nid beta help from gworment. Dis na becos say according to di video, di women dey hala say dem nid help as dem don dey dat prison for Libya for almost two years now. Dem say dem decide to cry out since citizens of oda nation don find way comot from di prsion facility wey dem put all of dem and na only dem wey bi Nigerians nai com remain, derefore…

Peter Obi wey bi di presidential candidate for di 2023 general elections and former Anambra state gwornor don advice African leaders to take agriculture business serious well well so dat dem go fit tackle insecurity and hunger for Africa. Na for di international conference for food security wey dem hold for Kigali for Kenyan nai him for tori dis advice. Obi com still tori further say e go beta to reduce dependency on food importation wey go help to reduce di currency pressure and focus more on food production for…

Appeal court wey sidon gidigba for Abuja don tok say Asue Ighodalo wey bi di gwornorship candidate for di pipo democratic party remain di authentic candidate for di election wey go take place on September 21 2024. Dem tori dis one as dem troway di mata wey som Pipo carry go court say make dem disqualify Asue Ighodalo sake of say him be nor get beta voter’s card, as dem dey giv d judgement, dem tori say dem dey troway dis mata becos of say di mata lack merit, and…

Presido Tinubu don tori say him go try to start to make di quality beta infrastructure wey him see for China to dey appear for di kontry. Presido tori dis mata give Nigerians wey settle gidigba for china wey dem dey call Nigeria diaspora organization for China chapter, presido tori say im ready to create di leadership wey go move di nation forward. Him com tori further say China na very discipline society so make di Nigerians wey dey stay dere learn discipline and represent Nigeria as good citizens.