Blog

Di secretary to di state gworment (SSG), Prof. Chidiebere Onyia, don tori yesterday to tori tori people for gworment house say, di state gworment don approve N183 billion make dem take construction more roads round di city, and nearly 20 of dis road go dey inside community wey oyibo dey call rural area, and dis go be for di three senatorial districts. Oga SSG also tori say dis dey happen becos of di plan wey gwornor Peter Mbah get to grow di state economy from $4.4 billion to $30 billion.…

Niger Delta Development Commission (NDDC) don tori youth wey dey Niger Delta say make dem take advantage of di special training wey di commission don set up wey go help dem acquire some kai ogbonge skills wey dem fit market. Na Mr. Chiedu Ebie, wey be di governing board chairman, nai tori dis mata when dem dey launch di youth internship scheme for Port Harcourt on Monday. According to di chairman, him further tori say di scheme go help youth wey go participate dey ready for employment. Dem say na…

Nigerian Communications Commission (NCC) don giv order make dem reactivate all di sim card wey telephone company be block sake of say dem neva link dem to di national identification numbers wey be NIN. Na di NCC director of media and public affairs Reuben Muoka nai tori dis one today for im press release. According to di tori, MTN don already start to dey activate di lines wey dem be block because say some consumers be nor link am with their national identification number. Before then, some consumers bi don…

Tori tok today Monday July 29th say presido Tinubu don stretch hand of support giv Dangote on top di crude oil mata wey bi dey get K-leg and bi wan turn oga Dangote to one motivational speaker since when di oda oga com out com tok say di Dangote refinery petrol bin dey one kai. Dem tori say di Federal executive council come support di idea wey presido bring comout to sell crude oil for naira give Dangote refinery and oda new refinery for di kontry. Tori kontiniu say, di…

Di Transmission Company of Nigeria (TCN) don tori say light nor go dey for dia Amukpe substation for two weeks. Dem tori say di outage na to help contractors get environment wey dey safe as dem wan put two 132KV transmission tower for Amukpe substation. And becos of dis development, some communities for Edo and Delta state go face blackout for two weeks, becos say power supply nor go too much to Benin DisCo from Adeje industrial, woodland, Mosogar, Sapele and Abraka feeders during dis period wey contractors wan take…