Category: Blog

Nigeria aviation minister, Festus Keyamo don ask investors to report any official wey go demand for any bribe before dem allow dem investors do business for 9ja. Oga Festus Keyamo tori dis mata for Washington wen e sidon with Boeing aircraft manufacturers executive and oda investors. Him com further address di ogas dem for di meeting say Nigeria door dey wide open for new business, and nothing go frustrate dem if dem com, and if any official try to frustrate dem dey ask for bribe, make dem make sure say…

Chairman of BUA cement, Abdulsamad Rabiu don tori how cement dealers take frustration di plan wey him bi get to make cement price drop reach N3,500 for we kontri. The chairman of BUA cement com tori dis mata for dia 8th annual general meeting on Thursday, say all di effort wey dem make take reduce di cement price for consumers nor get way becos say dealers frustrate dat effort. and becos of dat dem nor come fit sustain and kontiniu dat policy to reduce price for consumers make e nor…

Di National Technical Study Group (NTSG) don tori say off all di states for 9ja, na only 8 of dem clean well well. Dem tori say Akwa Ibom nai be number one cleanest state for 9ja folo by Ebonyi, before Cross River com folo, den Enugu com tanda dere as Delta com folo, Edo com join, Plateau com folo as number 7 and Abuja come bi number 8. Clean healthy environment is very key for everybody wellbeing.

Di Nigeria Midstream and Downstream Petroleum Regulatory Authority (NMDPRA) don tori say dem go start to close any petrol station wey dey sell above di approved price. Di Agency com tori say dem don receive report of some independent marketers wey dey sell petrol for N900-N1000 per litre. Dem tori say di price wey NNPC approve nor suppose pass N650 for a litre.

Naija police don tori say dem don invite Joe Ajaero wey bi presido of Nigeria labor congress (NLC) for questioning because of some kurukere mata wey oyibo dey call criminal conspiracies. Dem com giv Joe Ajaero till Tuesday to report himself, odawise dem go issue warrant of arrest.

E be like say wedipeople go soon start work for Ajaokuta steel as dem say 23 engineers from Russian wey be di original builders of di Ajaokuta steel company don land for Kogi state for inside di Ajaokuta steel gongon to start to conduct technical work. According to di tori dem say di team don dey start to check some kurukre plants wey nor dey work since to see how dem go fit take make am work.

Federal high court for Abuja, don troway di mata wey some pipo bi carry go court to challenge how di PDP Edo state gwornorship candidate, Asue Ighodalo, take becom candidate for di gwonorship election wey go happen for September. As Justice Ekwo dey giv di judgement on top all di different mata wey dem carry com, di Judge com rule say all of dem nor get beta ogbonge evidence to prove to di court wey go make di court cancel di primary election.