Category: Start Your Day

God give human being di most powerful weapon as Him dey create us com dis life, and Him come use Him infinite wisdom take put dat weapon inside us. Dat weapon if you ask me, na your mind. If you know di power wey your mind carry, you go dey guide your mind with everythin wey you get, especially to guide am from negative/bad thinking. But before your mind go become dat powerful weapon wey you fit take change anytin, you go nid to train your mind well well, and…

As we dey joni for dis life, we go meet all mana, old, young poor rich good bad ugly peaceful troublemaker, evry borkus dem. Di good tin be say, all of dis put togeda, nai make dis life bi dis life, and di rison why you nor suppose to take anytin or anybody for granted be say, you never can tell who go rescue you wen some kai tori start to get tail sometimes. Sometimes sef na di person wey you dey use one kai eye take dey look say…

Who be your neighbor? Dictionary define neighbor as person or pipo wey dey stay close to you. But for dis post today, we go take neighbor as dat good samaritan wey see say one oda person don almost kpai from di beat wey unknown mengun beat am as e dey travel for one lonely road, and as dis good samaritan see say dis person dey ground with plenty injury, im com decide to com down from im horse to help dis person wey im nor know before and carry di…

Dem say na small small water nai dey later com turn to ocean. Nor think say dat small small steps wey you dey take on a daily basis nor go amount to anything, becos before you know wetin dey happen, if you nor give up, dat small small steps wey you dey take since towards di exact tin wey you know say you want, go start to produce beta result. All you nid to do na to encourage yourself and nor giv up, no mata di discouragement wey dey around…

E get why God di creator allow everybodi com dis world empty, and nobody go fit question God Almighty why Him do am like dat. But dese days, common sense go don tell us why Him do am like dat especially with wetin dey happen now for our kontri. Now, take one minute and imagine if to say God allow us carry everytin wey we as human being dey like enter dis world, and com also tok say, as we dey comot from dis world we go carry everytin wey…

Dis conscience sef, na wetin e mean? conscience na dat feeling or dat voice wey dey inside you, and dey let you know say you don do bad tin or you don do good tin. Di good tin be say, everybody for dis world get dis conscience, so dat nobody go fit lie give theirself, except say dat person don just decide to kpai im conscience finish. Now, dis na wetin conscience dey do, if you bi bad person, conscience go let you know say bi bad person, if you…

You don ever take time take sidon and rison wetin make God create you come dis life. I discover say dat na one question wey di majority of us nor dey like ask ourself, and becos we nor dey like ask ourself dat question, we com decide to dey live di life as we see am, which e nor suppose to be like dat. If you go dare, as you dey start your day today, ask yourself say wetin bi dat rison, dat purpose wey make God Almighty di creator,…