Month: August 2024

National Emergency Management Agency (NEMA) don tori say dem don repatriate 171 Nigerians from Libya. Dem tori say dem receive dis our brothers and sisters for di Murtala Mohammed International Airport for Ikeja Lagos around in di evening, and among dem ma both grown men, women and children. Dem com tok say dem nor record any medical case with the returnee. According to di tori, dem say many Agencies com tanda for ground to give support to dis our brothers and sisters wey just return, and on top of di…

Edo state gworment don go commission 1-megawatt solar panel tins for di people of ohovbe wey dey Ikpoba Okha Local gworment area. Na Eng Godwins Omobayor wey bi di deputy gwornor nai commission dis project for di community. Tori kontiniu say di solar project supposed fit give about 2000 houses 24hrs light, dis na according to as di commissioner for mining and energy, Dr. Ojiefoh Enahoro take tori am during di event, him com further tok say dis solar mata wey go give 24hrs light to di community so, dey…

Usman Ododo wey bi di Kogi state gwornor, don tori say im don appoint 1,192 special assistants as aides. Na di secretary of di state gworment Dr Folashade Ayoade, nai tori dis mata give di people. According to di tori, dis borku special assistants appointment plus other ones go take alacrity from September 1st, 2024.

Nigeria police don com tori say one 58 years old man for Lagos state wey bi dey do 19 days fasting don kpai. Dem tori say dis mata so happen on Monday for Alagbado area, and according to police, di man younger brother confirm say di man bi dey do 19 days dry fasting and na in di midst of di fasting nai him com kpai, so derefore dem nor suspect any kurukere doings except say dem go let di family prepare for di burial as dem ask.

Appeal court wey sidon gidigba for Abuja don give order to Yahaya Bello wey bi former gwornor of Kogi state to report himself with immediate alacrity for prosecution. No forget say di former gwornor bi pianteh since dat time wey EFCC, di commission wey dey prosecution any gworment official wey dem fit say e choplate di money dem supposed take work for dia state bi go raid am for e Abuja house, sake of say him get case to answer. Tori say since dat time after di raid nai dem…

Appeal court for Abuja don tori say Philip Shaibu still remain di deputy gwornor of Edo state, dem tori say di first judgement wey Justice James Omotosho of federal high court first tok still remain, and base on dat them com dismiss di appeal wey Edo state house of Assembly file. Di court com tori further say dem still maintain say di way dem take impeach Philip Shaibu show say dem violate di constitution. Dem com later give directive say make dem pay Philip Shaibu e salary starting from April…